影片
更多
2021-10-29
6409 瀏覽
第一次試漢和午市韓燒放題，加一人均$150左右，仲可以由11點坐到四點，環境雖然唔係十分乾淨，但勝在比起其他韓燒餐廳唔會太嘈，適合一班朋友可以傾偈嘅地方。食物種類10分豐富，有日式壽司，但賣相唔吸引都冇乜人夾。仲有唔同既熱食，炸薯條，炸雞翼，煎三文魚，炒飯炒麵，韓式嘅傳統小食煎餅，泡菜小菜，泰式烤豬手，老火中湯，忌廉粟米湯，碗仔翅，泡菜湯，甜品有雀巢雪糕，豆腐花，小蛋糕🍰。 熟食方面值得稱讚嘅係老火中湯，雖然係放題但都幾足料，入面有唔同嘅蔬果，豬骨，煲到好入味，飲完好似充電完咁。豬腳薑都好入味，啲豬腳炆到入口即溶，雞蛋都好有醋味，好似屋企人煲嗰啲咁。甜品方面我淨係試咗豆腐花，佢豆味都OK嘅同埋幾滑，仲有黃糖糖漿選擇，鍾意食豆腐花嘅朋友仔可以試吓。除咗依幾樣好食之外，燒物都有好多唔同種類，有魷魚，蔬菜，牛扒豬扒，肥牛雞翼等等。但係我自己覺得除咗燒菠蘿好食之外，其他都一般般，試過一次就唔想再試，可一不可再。服務方面都OK，周不時有人幫你更換碟。總體而言，依間餐廳可以試一次嘅，但你問我會唔會再試第二次就未必啦，體驗下係OK嘅，但係如果真正想食好味嘅韓燒就去返啲正宗啲嘅韓燒餐廳🍴
食物種類10分豐富，有日式壽司，但賣相唔吸引都冇乜人夾。仲有唔同既熱食，炸薯條，炸雞翼，煎三文魚，炒飯炒麵，韓式嘅傳統小食煎餅，泡菜小菜，泰式烤豬手，老火中湯，忌廉粟米湯，碗仔翅，泡菜湯，甜品有雀巢雪糕，豆腐花，小蛋糕🍰。
熟食方面值得稱讚嘅係老火中湯，雖然係放題但都幾足料，入面有唔同嘅蔬果，豬骨，煲到好入味，飲完好似充電完咁。豬腳薑都好入味，啲豬腳炆到入口即溶，雞蛋都好有醋味，好似屋企人煲嗰啲咁。甜品方面我淨係試咗豆腐花，佢豆味都OK嘅同埋幾滑，仲有黃糖糖漿選擇，鍾意食豆腐花嘅朋友仔可以試吓。
除咗依幾樣好食之外，燒物都有好多唔同種類，有魷魚，蔬菜，牛扒豬扒，肥牛雞翼等等。但係我自己覺得除咗燒菠蘿好食之外，其他都一般般，試過一次就唔想再試，可一不可再。
服務方面都OK，周不時有人幫你更換碟。
總體而言，依間餐廳可以試一次嘅，但你問我會唔會再試第二次就未必啦，體驗下係OK嘅，但係如果真正想食好味嘅韓燒就去返啲正宗啲嘅韓燒
餐廳🍴
張貼