Poseidon Restaurant & Bar (已結業)

隨着疫情放緩，開始多咗約朋友出去食嘢。太耐冇食生蠔啦，所以見到$178有半打，就心郁郁想試。見到呢一個擺盆，認真架勢。海水味適中，鮮甜，唔苦澀。三款sauce可以揀， 不過我自己就鍾意傳統嘅檸檬汁。輕輕少少已經帶出鮮味㗎啦。炸魚柳非常出色，原本見到咁多魚鱗，以為會好吉口，點知非常香脆，魚肉亦都非常鮮味。咬開之後可以見到魚肉好多汁。deep fried確係能夠鎖住肉汁。晚飯都要有啲澱粉質落肚，所以叫咗個西西里醬蟹肉扁意粉。味道唔錯嘅，都食到蟹肉，不過略嫌啲醬汁嘅味道掩蓋左啲蟹肉味，咁就有啲可惜啦。餐廳環境氣氛唔錯，地方闊落，都坐左成兩個鐘，適合帶埋朋友嚟敘舊傾偈。