慢煮工業 (已結業)

星期六點半左右到達，餐廳唔算好多人，枱同枱之間都算闊落，唔會好迫，可以同朋友好好咁傾計👍🏻我地叫左個二人慢煮套餐($368)首先係溫泉蛋沙律，份量好大，d菜都新鮮，正正常常之後就到main，有牛扒、豬仔骨同豬脾仔：- 牛扒熟得濟，偏硬同乾，我就覺得好麻麻- 豬仔骨同豬脾仔好嫩口，而且好juicy ～個source都配得好好👍🏻👍🏻本身個餐係跟肉醬意粉，但因為我地想食其他，所以加$38轉左黑松露雜菌天使麵(即使餐牌上全部意粉都同價，但都係要加錢)。個天使麵唔係好重黑松露味，口感比較偏軟最後係野飲，個餐包2杯酒精同特飲- 西班牙水果白酒，我覺得係冇浸過🙊因爲飲落冇水果味，而且加左好多冰！令到杯酒好淡🙈- 芒果蜜桃水果茶就芒果蜜桃水果茶👌🏻😂 整體黎講環境係舒服，適合朋友邊食邊傾計，客人唔算多，唔洗急住走。野食都滿意，係牛扒同杯Sangria 略失望，至於份量對2個女仔好足夠又唔會話多得濟。