Meraviglia Bar e Ristorante (已結業)

今日諗住帶埋狗仔去行吓同埋食午餐。其實可以帶寵物嘅餐廳唔多選擇，突然諗起科學園最近可以帶寵物， 於是搵咗呢間餐廳又可以俾小朋友玩，又可以俾狗狗放電。先來個白酒煮大蜆配蒜蓉包，的蜆大大粒又彈牙，蒜蓉包又香口又脆卜卜。之後來個水牛芝士菠蘿及意大利火腿薄餅，的芝士焗得啱啱好，一絲絲可以拉起，再配自家蕃茄醬，味道一流。最後來個意大利長通粉配秘製有機蕃茄肉茄，啱小朋友之餘又健康。呢度除咗有得食，仲有小朋友玩嘅設施，大人可以一邊食嘢一邊傾偈，小朋友又可以一邊食嘢一邊玩，再加杯咖啡，真係好寫意。其他親子餐廳的食物通常都一般，但呢間啲食材真係有一定嘅水準，值得一讚！