泓居酒屋 (已結業)

餐廳位於海港城對面大廈，環境舒適，播放住日文歌幾有feel，店員亦會主動推介食物及收拾碗碟，與朋友來小酌一杯亦不錯。 串燒小食質素唔錯，當中以鹽燒三文魚頭就真係有驚喜。鱈魚干 $48 燒鱈魚干非常香口，口感酥脆，送酒一流。炸吉列蠔(3隻)$48賣相好得睇，以蠔殼盛載吉列蠔。吉列蠔外層炸得金黃酥脆，咬落都好juicy又唔鯹。 鹽燒三文魚頭 $58魚頭超大件，相當抵食，表面燒得好焦香，而且都有好多肉，難得食落唔鯹，非常值得推介。明太子雞翼 $38雞翼香口釀滿明太子，微辣調味唔錯，雞翼脹卜卜咬落大啖肉都幾滿足。大蔥 $26大蔥不太粗身，但咬落夠爽口。 荔枝鹿兒島豚肉燒 $42燒香的豚肉包住清香的荔枝，沒有半點油膩，非常夾十分好味。燒白鱔 $68 外層魚皮燒到香脆，魚肉唔會好乾身，食落仲有陣油脂香。魷魚飯 $82魷魚筒釀滿糯米飯，糯米口感軟糯，魷魚軟彈，個汁味道濃郁，食得很滋味。提子燒酌梳打 $68白桃燒酌梳打 $68兩者好易入口淡淡果香，加了梳打酒精唔會好濃，味道唔會好甜，亦唔會好藥水味，清清地幾好。焦糖燒菠蘿 $58甜品唔食凍野都仲有選擇，菠蘿果味香甜入口多汁，加上焦糖香脆，甜品要俾滿分。