不見不散 (已結業)

芝士菠菜餡介子雲吞配意式茄蓉（$72）凍檸茶（+$3）午餐除咗餐飲，仲有餐湯（粟米湯，如果濃啲會好飲啲）及餐包（蒜蓉包，香脆夠蒜味又有香草，好味道）。雲吞仔細細粒，但有成十幾廿粒。餡料微微咸香；餡皮有啲厚度，所以夠飽肚；茄蓉酸酸甜甜，夠哂開胃。焗黑松露龍利柳飯（$75）凍檸茶（+$3）即焗，需時約十數分鐘，焗得夠香（好怕焗飯是旦焗兩嘢就拎出嚟）。魚柳實肉，冇腥味冇雪味，但略嫌粉皮厚咗少少。黑松露醬加埋芝士，夠哂濃味，撈飯一流。餐廳樓底超高，空間感十足。店內大量 MIRROR  應援物，用餐當日啱啱仲有兒登仔poster派。