竹源越南餐廳 (已結業)

星期六返半日,一點收工就同女朋友周圍搵下中環有乜好食,見到好多平日lunch都排長龍既食肆,有部份人丁疏落,有部份依然係大排長龍,行過竹源見入面冇咩人,決定入去試一次...一坐底,侍應已經走埋黎問食咩,之後我地話轉頭先,但佢冇意慾行開,繼續拎住個落單簿同筆係度等,感覺極差...連同女朋友討論下食咩既時間,都好似俾人望住咁...我最鐘意既越南美食就係撈檬,所以就嗌左三寶撈檬($36),之後再嗌左個炸春卷,而女朋友就嗌左個雞絲金邊粉加杯椰汁冰...撈檬上檯先,有扎肉,香茅雞全翼&豬扒,份量唔算多...但味道尚可...至於女朋友的雞絲金邊粉,湯底實在太淡,而且配料太少,就像只有芽菜跟雞絲...之後來的春卷,其實都不錯,不過看到另外奉上的生菜,洗得有D唔乾淨,而且唔靚,明顯係冇摘過菜...埋單$103,因為冇認真去計算過就埋單,計番好似收貴左...但唔緊要,因為冇下次...鋪頭裝飾得頗有越南風格,但食物確實有需要改進...