茶木‧台式休閒餐廳 (已結業)

午飯時間走去食連鎖台式餐廳「茶木」，午餐menu都幾多嘢揀，我就求其叫左個酥炸雞排麵配凍紅豆薏米水（$69，加一服務費）。嘢飲首先送到，紅豆薏米水夠消暑又可以去水腫，入面仲加左薑片，都幾好飲。等左10幾分鐘至送到個麵黎，塊雞排都幾大塊，而碗麵就好似紅燒牛肉麵走牛肉咁，麵嘅份量唔多，所以感覺好似餸多過麵咁。麵質都夠彈牙，粗麵又掛到湯，不過塊雞排就真係鹹左些少喇，我食晒d麵之後就咁食雞排更加覺得鹹。作為連鎖店，應該要保持穩定嘅質素。今餐我覺得一般而已。