大戶屋 (已結業)

本身打算攞飛食排長龍迴轉壽司之後隔離睇戲，睇完戲出嚟會有得食，估唔到5:30去到已經唔派飛。睇完戲唔知食咩好，突然醒起可以去食大戶屋。每次去大戶屋都會叫燒鹽麴熟成五花腩，加$23轉定食，再加$10就可以揀其他種類嘅飯，我就只係轉定食普通飯。朋友叫咗黑醋雞肉野菜，都係轉定食。定食包括主食、麵豉湯、茶碗蒸及漬物。先講五花腩，上菜嘅時候係暖嘅...如果熱d就仲好食，每舊都有燒過嘅香味，肥瘦適中，另外有薯仔沙津及蔬菜沙律伴碟。因為之前食過剛剛燒好就上菜嘅五花腩...真係好好食。朋友食嘅黑醋雞肉野菜，黑醋唔太酸，都非常開胃。定食碗飯不太大，份量適個女仔，男仔大部分都應該唔夠飽，但係定食可以添飯一次，我同朋友添咗一碗飯share就啱啱好啦！可能係坐嘅位置問題，比較難叫到侍應。添飯同加茶都係要等侍應到枱附近收拾餐具先加到。