大家樂

營業中

休息中

今朝要去健康院覆診，睇完都好肚餓呀!即刻去大家樂食個豐富早餐先~因為我DOWNLOAD左個大家樂APP，星光行間大家樂可以食APP度買定早餐，去到再用八達通比錢，食滿$23可以送一個粉呀!今朝我食左個蜜糖雞扒炒蛋，送多碗雪菜肉絲米粉。個蜜糖雞扒無厄人架，未食已經聞到一陣香噴噴既蜜糖味~塊豬扒好甜，蜜糖同雞扒好襯!另外雞扒煎得岩岩熟，切開都唔見有血絲~炒蛋好嫩滑，仲加左D蔥一齊炒，有雙重享受添!反而想講講塊多士，雖然係幾脆，但係唔知係咪整好左好耐，直頭有D硬，要用少少力先可以咬開，呢個係缺點之一。另外個雪菜肉絲米粉，唔知係咪因為送既關係，攞餐既時候比我見到淨係用滾水沖..唔怪得個湯一D味都無啦!D雪菜同肉絲都係一般，無乜味。