屋喔 (已結業)

上openrice搵到哩間旺角樓上餐廳，食台灣fusion西餐，2樣我都好中意，唔係唔試呀嘛？夜晚黎到，要坐室外，冬天坐都OK ge,夏天就真係咪攪喇！雖然都幾有feel,但係對正個燒烤爐，食完餐飯全身油煙味，仲要有個射燈射住，講真環境麻麻！西冷扒配薯菜，牛扒雖然唔係咩高級貨，濃郁牛味就無乜，不過外面燒得好香炭火味，亦都唔會好韌，薯皮好味，比平時食開既薯角更好味！黑松露意大利飯黑松露味唔算好出，濕潤度剛好，菇無乜味，整體成個飯可以再濃味d,唔算特別出色，但絕對唔難食。芝士雞扒本新預期芝士係夾心，原來係鋪面，有少少失望！雞扒炸得好香脆，熱辣辣，好新鮮，但芝士唔夠，滿足唔到我哩d芝士怪！草莓沙冰同綠茶紅豆沙冰！草莓完勝，綠茶隻味好假，沙冰好快融，飲飲下已經變左一杯milkshake跟餐包甜品，兩款試哂，最初對哩個盆栽提拉米蘇有興趣，但係最後芝士蛋糕竟然勝出！事關盆栽入面既cream好散，好似一舊泡咁，無口感，而且唔夠凍，俾人感覺好似放左室溫好耐咁，反而芝士蛋糕幾好，實得黎夠芝士味！