牧羊少年咖啡館 (白楊街)

營業中

休息中

自從開咗呢間咖啡店之後，我同朋友周不時都會幫襯，貪佢坐得舒服，環境又好好，食物質素又Keep到。星期五的下午一於去放鬆下先，入到去就安排左梳化位置俾我哋，而且播住啲好柔和嘅音樂，不錯不錯。重點又有wifi，真係可以hea好耐！我哋一行四人叫咗四樣唔同嘅嘢食，有紅燒牛肉麵，芝士焗雞扒飯，蘆筍青咖喱意粉同埋炸魚薯條。碗紅燒牛肉真係好足料啊，有勁多牛肉，而且炆得好入味，估唔到喺咖啡店都可以食到台灣嘅味道另外個芝士焗雞扒飯都相當出色，勁多芝士包住雞扒，仲有炒底添！