韓米Miso (啟田市場) (已結業)

夜晚10點幾叫炒粉絲，當時得我同另一位男客人等緊外賣，等左一陣就攞得啦，但到手一摸落去成盒野係涼既，連溫都唔係。問金色長髮果位女店員個粉絲好似凍凍地? 佢即刻態度勁唔好咁話你明唔明太熱個兜會溶。隔離個男客人聽到都望我地兩下。都唔太明白個邏輯係點，呢間鋪頭主打外賣，韓國野都多熱食，我又唔係叫湯類，點解會溶呢？再問有無辣醬係無。返到屋企自己再開爐炒熱返，始終怕食物唔夠熱會肚痛。粉絲份量多肉量較少，炒熱返都有點油。抵食既但服務態度令人費解，應該無下次，又或者淨係叫凍食。