木糠甜品屋 (已搬遷) 新店位置

呢間o係銅鑼灣ge甜品屋, 裝潢都算係簡單, 野食又唔係好多, 不過好彩人客都唔係好多, 如果想搵個地方坐下傾下計都ok, 多人ge話仲可以試多d佢ge野食。因為佢有d野個size都算大, 如果只係想試下而唔係想一種甜品就食飽ge話, 可以考慮多d人去, share黎食。不過如果少人食, 唔可以share到一個甜品, 可以叫下午茶餐, 佢雖然包左好多野, 不過每樣ge份量其實都只係好少, 一個人都食得晒一個餐。佢ge木糠蛋糕就係最好食ge, 一層層ge木糠間住個cake, 味道岩岩好。正呀。桂花糕質感唔錯, 彈牙, 但因為本人本身對桂花味ge野都係麻麻, 所以我覺得一般啦, 中意食桂花味ge朋友應該好中意食。而佢ge chocolate同mango pancake都幾好食, 因為佢個皮厚度好一致, 唔會食到一舊舊, 如果入面d cream少d就會更加好食喇。涼粉就不過不失啦, 不過我幾中意佢個口感, 比其他涼粉係硬少少, 不過我幾中意呢個硬度, 因為太軟的涼粉好似唔係幾有口感。