盛八日式燒肉放題店 (已結業)

六時正去到，門面仲未ready好，有侍應叫我哋等一陣，我和肥肥唯有係門口等，點知等咗15分鐘見到有一家三口出lift直入咗去，我哋再入去睇吓先知已經入得，但無人叫過我哋，對佢哋嘅印象已經唔係幾好，我成日都話：去食嘢唔單止食物質素係重要，服務都好重要嘛！不過入到去啲服務員都好有禮貌，今次心想：佢哋啲食評咁讚，比次機會佢哋啦，睇完menu後點咗：原價＄２９８，特價＄２５０，Ａ５和牛，好薄，放入爐燒一反就碎，味道好淡無牛肉味，肥咗啲，唔抵食。＄７Ｘ，香草和羊，有兩件，ＯＫ啦，都幾大件，但就無咩羊味。＄８Ｘ，厚切牛舌，好食，熟啲都唔ＵＮ，果然讚。＄８Ｘ，燒汁牛肋骨，好食，有牛肉味又有肉汁，仲好味同厚過和牛。＄９Ｘ，姜燒黑豚肉，好食，幾爽口幾ＪＵＩＣＹ，唔錯唔錯。總括嚟講不過不失，除了Ａ５和牛，其他食物質素平均，如果有機會再嚟，都可以再試吓其他食物，如海鮮。