匠一麵屋 (已結業)

拉麵控又出動，今次黎到長沙灣搵食。匠一係由日本師傅主理，唔洗去日本都食到由日本人整既拉麵啦。拉麵大至分兩款湯底 醬油雞骨湯及豚骨濃湯。牆身有poster 介紹有魚介湯底及擔擔麵。 醬油雞骨湯叉燒拉麵 $93配料有青蔥、筍、白蔥、紫菜兩片、半隻溏心蛋及日式叉燒三片。先喝一口湯底 初時以為雞湯會好肥,點知一D都唔油膩，重清清地。湯裡加埋醬油香味及甜味帶出多變的口感幾好飲。麵類屬於捲捲麵，有咬口。捲捲麵因為煮過後會捲曲，所以可吸附更多的湯汁。每一口麵也食到醬油雞骨湯的味道。筍乾吸曬湯的味道，而且無渣。醬油溏心蛋夠入味，夠上色。蛋黃半流心狀態拿捏的剛好。豚骨炙燒叉燒拉麵 $95   配料有青蔥、木耳、白蔥、薑絲、紫菜兩片、半隻糖心蛋及日式叉燒三片。奶白色的豚骨湯底，湯底濃郁，清甜而不膩口。麵質應該屬於細麵。麵的軟硬適中。叉燒脂肪及豬肉的比例恰當，香口夠淋身。追加左個列脆口餃子 $22 外皮香脆可口、煎至金黃色。餡料多肉汁。一口一舊 SIZE 岩岩好。整體黎講味道中上、足料、環境清幽乾淨企理和店員有禮貌。係穩陣之選。