高橋 (已結業)

上年年中開關之後喺日本銀座食過之後已經念念不忘,估唔到真係會喺香港開分店👍👍,無論湯底,配料,同麵嘅質地同我喺日本食嘅一樣,唯一唔同嘅香港食會貴過日本少少,但過江龍一般都會貴d,始終香港地租金人工同日本唔同,香港而家嘅拉麵店甚少會用粗身麵,佢呢個麵質口感Q彈,幼麵已經食到厭哂,之前食左燒飛魚湯底,已經好正,但我更加鍾意佢嘅背脂醬油,有d類似烤魚乾嘅香味,上面d好薄嘅應該叫慢煮豬肩好軟熟好香,可惜地點太遠,如果唔係的話,我日日食都可以..