Healthy Chicken (已搬遷) 新店位置

有時午餐真係唔想食得太飽肚，因為番到office 下午好易恰眼訓～所以好多時我都會選擇沙拉黎醫肚～鰂魚涌最近開左一間新既餐廳，主打health chicken salad ，今日決定一試！嘩嘩嘩！估唔到佢咁大碟，女仔如果細食既，絕對可以同人share ! 呢個雞脾沙拉除左有一隻手掌咁大既雞脾，仲有大量沙拉菜、豆、粟米粒、蕃茄粒、洋蔥粒、芝士同埋一小份飯（有菠菜飯、蕃茄飯、紅米飯選擇）～醬汁方面亦有幾種口味選擇，老闆就推介呢隻白色既garlic醬汁，比較惹味！雞脾方面，肉質方面幾嫩滑，一啲都唔鞋，煎得亦好香口～真係估唔到沙拉都可以食到咁豐富🤣呢個沙拉一定唔係for 你減肥🤣🤣🤣除左沙拉，餐廳仲有pasta 、pancakes 、窩夫、咖啡等等，都好似好吸引咁！下次再試埋其他！