影片
更多
2018-02-27
155 瀏覽
小編早排見到有人介紹個可以食得嘅告白氣球，見到好得意好靚，所以就特登mark低咗呢間鋪頭。好彩佢哋講門口都唔算太難搵，喺正轉彎位都算係當眼處。一坐低冇耐店員就已經放低左本Menu同埋啲麵包，服務都算唔錯雖然個麵包某程度上係唔使錢，但係亦都唔馬虎。坐低冇耐店員就已經攞咗啲麵包尼面前，麵包攞上枱嘅時候有少少微溫，而且麵包嘅表面脆得尼個心又夠軟熟。配上檸檬味十足嘅牛油，令到整體嘅感覺都好清新。小編真係超級鍾意佢隻牛油，所以都忍唔住空口食咗幾啖😂．小編今次就叫咗一個Dinner Set同埋再額外叫咗少少其他嘢食．Dinner Set方面本身就已經包左一個前菜、餐湯、主菜、飲品同甜品一攞上枱冇耐就已經倒塌咗，所以張相真係影得唔係太好😂講返正題先其實整體來講小編覺得唔係好食到有牛油果味，反而有好重嘅黑醋味，不過吞拿魚同蟹肉嘅份量都比得幾多下，吞拿魚方面本身應該有醃製過，因為食到有一浸好香嘅黑椒味，以一個前菜嚟講絕對合格呀！另外呢一個前菜裏面都有好多紅菜頭喺度，整體來講其實都唔錯，不過對於小編呢啲唔鍾意食酸野嘅人來講就一般啦！佢哋呢度嘅南瓜湯同平時飲到嘅有好大嘅分別，最主要嘅分別就係平時嗰啲可能會落
好彩佢哋講門口都唔算太難搵，喺正轉彎位都算係當眼處。
一坐低冇耐店員就已經放低左本Menu同埋啲麵包，服務都算唔錯
法式麵包配檸檬牛油
10 瀏覽
0 讚好
0 留言
雖然個麵包某程度上係唔使錢，但係亦都唔馬虎。坐低冇耐店員就已經攞咗啲麵包尼面前，麵包攞上枱嘅時候有少少微溫，而且麵包嘅表面脆得尼個心又夠軟熟。配上檸檬味十足嘅牛油，令到整體嘅感覺都好清新。小編真係超級鍾意佢隻牛油，所以都忍唔住空口食咗幾啖😂
．
小編今次就叫咗一個Dinner Set同埋再額外叫咗少少其他嘢食
．
Dinner Set方面本身就已經包左一個前菜、餐湯、主菜、飲品同甜品
Cajun藍鯨吞拿魚他他配紅菜頭牛油果沙律
4 瀏覽
0 讚好
0 留言
一攞上枱冇耐就已經倒塌咗，所以張相真係影得唔係太好😂
講返正題先其實整體來講小編覺得唔係好食到有牛油果味，反而有好重嘅黑醋味，不過吞拿魚同蟹肉嘅份量都比得幾多下，吞拿魚方面本身應該有醃製過，因為食到有一浸好香嘅黑椒味，以一個前菜嚟講絕對合格呀！另外呢一個前菜裏面都有好多紅菜頭喺度，整體來講其實都唔錯，不過對於小編呢啲唔鍾意食酸野嘅人來講就一般啦！
南瓜湯
2 瀏覽
0 讚好
0 留言
佢哋呢度嘅南瓜湯同平時飲到嘅有好大嘅分別，最主要嘅分別就係平時嗰啲可能會落得好多奶，反而佢呢個奶嘅成份真係好少，因為入口冇平時飲到嘅南瓜湯咁滑身。但相反口感就比較creamy，而且可以食到一絲絲嘅南瓜肉，但由於佢個湯真係用純南瓜去整，所以飲完之後都有少少飽肚嘅感覺。
美國頂級安格斯肉眼扒 12OZ
$328
3 瀏覽
0 讚好
0 留言
講真小編真係好耐冇食過咁高質嘅肉眼扒，因為平時食嗰啲肉眼扒通常都好韌，而且唔知點解五成熟會變咗做八成熟🙄
小編今次個肉眼扒就叫咗五成熟，估唔到佢真係做到喎！當然邊邊位除外啦！一上枱小編就已經比肉眼扒個size嚇親，估唔到竟然有成隻手咁大呀！至於入口方面佢哋嘅肉眼扒就偏向比較嫩身少少，食完唔會黏牙架！而且肉眼扒本身嘅肉汁都幾豐富下，所以都唔會話好似食柴皮咁！另外佢呢度配嘅醬汁亦都好啱小編呢啲唔係好食得辣嘅人，因為佢呢度嗰隻黑椒汁其實係同KFC蘑菇飯嗰隻係一樣嘅，所以真係唔算太辣，但佢又好夠香喎！
氫氣球甜品—伯爵茶意式奶凍
16 瀏覽
0 讚好
0 留言
首先好抱歉個氫氣球同甜品分開咗影，因為佢哋兩個分開咗上😂
小編今次配嘅呢個甜品就係伯爵茶意式奶凍，佢哋嘅甜品有機會每日都唔同，唔好以為佢淨係得個靚字，其實佢都好好食架！奶凍嘅味道同珍奶朱古力嘅味道差唔多，兩個嗰隻伯爵茶味真係超級似，但當然就冇咁甜啦！而奶凍入口嘅口感亦都好幼滑，夾埋蜜糖一齊食簡直就係perfect match，入口仲有淡淡的玫瑰花香，味道層次超豐富呀！
氫氣球甜品—氫氣球
7 瀏覽
0 讚好
0 留言
而萬眾期待嘅氫氣球亦都超級正，氣球外面嗰層係焦糖嘅味道，而中間就係食完會變minions聲既氦氣，真係超級好玩。而氣球嘅外層亦都好有焦糖嘅味道。
．
以下介紹呢啲嘅食物就已經係Dinner Set以外既野啦！
刺身三文魚配凱撒沙律
$72
13 瀏覽
0 讚好
0 留言
其實本身小編自己係唔係太鍾意食沙律嘅，因為覺得啲沙律菜真係咬極都吞唔落😂但估唔到佢哋呢度嘅凱撒沙律竟然可以令小編改觀。個凱撒沙律本身隻菜超級甜，而且水份充足，唔會話越食越乾。而且佢哋每一塊菜都佔滿左凱撒沙律醬，真係超級細心呀！至於表面嘅刺身三文魚小編就覺得冇乜特別，不過佢哋就加左少少黑椒係啲三文魚上面，令到三文魚嘅味道更加香。
油浸法國鴨髀意大利飯
$112
12 瀏覽
0 讚好
0 留言
尼一個risotto其實同小編想像中嘅有少少出入，因為小編原本以為會有啲鴨髀嘅油會浸落個飯度，但點知出到嚟原來佢係會有隻醬汁加左上去。但估唔到咁樣出嚟嘅效果其實都唔錯，因為佢嗰個鴨髀既肉唔會話好乾，帶有少少嫩滑，所以出嚟嘅效果其實都有驚喜嘅。
至於個risotto偏向比較係正宗嘅意大利飯，因為佢呢度嘅risotto係一個夾生飯，而平時大部份餐廳嘅意大利飯都係偏向返亞洲人嘅口味都會煮返爛少少，所以呢度嘅risotto相信應該唔係個個都會覺得好味😂
蒜香蜜餞雞翼配黑醋牛油果醬
$40
20 瀏覽
0 讚好
0 留言
小編覺得佢哋呢度嘅雞翼就稍為普通左少少，雞翼本身都算肥美嘅，不過蒜香蜜餞嘅味道好普通，隻味超級似滷水雞翼😂
反而比較特別嘅就係佢哋嘅雞翼會配一隻醬，可以揀松露蛋黃醬、蝦醬甜酸汁或者黑醋牛油果醬。小編今次就揀咗黑醋牛油果醬，雖然牛油果就冇嘜，但隻醬就有牛油果嗰隻質感。而佢隻黑醋味真係超級重，配埋個雞翼一齊食反而別有另一番風味。
Mojito
$65
18 瀏覽
0 讚好
0 留言
飲品嘅酒精份量相對比其他地方飲到既稍為高少少，而且入口都冇乜薄荷味，好彩青檸味就反而好足夠，所以雖然酒味重但係入口都算清新，不過可能對於好似小編呢啲唔係成日接觸酒精嘅人來講，可能會有少少難入口。
．
而佢哋個甜品Menu就唔係本主菜Menu裏面，如果想知嗰日有咩甜品就要望下牆上面嘅黑板啊
張貼
