馬祖 (海之戀商場)

營業中

休息中

下午兩點仲未食晏，超肚餓，路過見有位，食物幾吸引，兼且我一直都鍾意食台灣料理，所以即刻入去試吓。佢有午市套餐，大部份都可以揀白飯或者米線，我就叫咗個「藥膳古早牛肉湯米線」，5分鐘左右就嚟到。湯有啲藥材味，小小似肉骨茶，不過偏甜。牛肉竟然有七、八件，牛肉有牛肉鮮味，兼炆得幾焾，呢個要讚；仲有兩件大大件嘅炆白蘿蔔，味道就淡咗一啲，又偏硬，炆嘅時間唔夠長。$70有一碗咁樣質素嘅牛肉麵，再加幾蚊仲可以配埋飲品，唔知係唔係真可以養生，但係可以再嚟返尋味。