影片
更多
2019-08-03
886 瀏覽
一般餐廳係追求快捷方便，盈利成本，味道之餘，都會忽略咗健康以及營養均衡。多油鹽，味精都係預期之內，但係到底有冇餐廳係可以娶到一個平衡呢？呢間餐廳位於觀塘教會之內，要上一層，但可以選擇搭電梯或者行樓梯，方便各種需要嘅朋友。佢標榜所有粉麵類嘅湯都係自家製，冇味精，可以飲埋！咁厲害？一於試一試！今日試咗意式番茄雜菜湯底螺絲粉，配厚午餐肉，餐飲係熱奶茶。呢個湯底真材實料，用上大量西芹紅蘿蔔蕃茄等蔬菜烹煮而成，仲用咗煙肉爆香湯頭，非常有誠意！螺絲粉唔會太「林」，厚嘅午餐肉細心煎香兩邊，放喺湯上面減少油膩感，唔錯。出奇地奶茶質素喜出望外，係以前舊式茶餐廳沖出嚟嘅絲襪奶茶，茶味濃郁，唔使加錢，值得一試！特別要注意嘅係呢度冇港式咖啡，只有 espresso, latte, flat white, Americano,係需要跟餐加$14先至可以有。同行友人由於今日實在太想飲咖啡，叫咗一個輕盈早餐，只有炒蛋及火腿芝士配多士，配一杯咖啡，呢一個餐$34。炒蛋正常，火腿芝士多士只係用普通嘅火腿及普通嘅芝士放喺普通嘅麵包上面，啱唔啱食就見仁見智啦！叫咗一杯 flat white, 咖啡係啱飲嘅，咖啡豆唔苦比較淡
呢間餐廳位於觀塘教會之內，要上一層，但可以選擇搭電梯或者行樓梯，方便各種需要嘅朋友。
佢標榜所有粉麵類嘅湯都係自家製，冇味精，可以飲埋！咁厲害？一於試一試！
今日試咗意式番茄雜菜湯底螺絲粉，配厚午餐肉，餐飲係熱奶茶。
呢個湯底真材實料，用上大量西芹紅蘿蔔蕃茄等蔬菜烹煮而成，仲用咗煙肉爆香湯頭，非常有誠意！
螺絲粉唔會太「林」，厚嘅午餐肉細心煎香兩邊，放喺湯上面減少油膩感，唔錯。
出奇地奶茶質素喜出望外，係以前舊式茶餐廳沖出嚟嘅絲襪奶茶，茶味濃郁，唔使加錢，值得一試！
特別要注意嘅係呢度冇港式咖啡，只有 espresso, latte, flat white, Americano,係需要跟餐加$14先至可以有。
同行友人由於今日實在太想飲咖啡，叫咗一個輕盈早餐，只有炒蛋及火腿芝士配多士，配一杯咖啡，呢一個餐$34。
炒蛋正常，火腿芝士多士只係用普通嘅火腿及普通嘅芝士放喺普通嘅麵包上面，啱唔啱食就見仁見智啦！
叫咗一杯 flat white, 咖啡係啱飲嘅，咖啡豆唔苦比較淡口，奶泡打得好。
預早如果為咗杯咖啡已叫呢個輕盈餐，係抵嘅，因為係連鎖咖啡店買一杯咖啡仲要再貴少少（雖然大杯啲）。
但如果你係為咗食早餐，以$34呢個價錢就有啲貴啦。不過抵唔抵食呢啲嘢，都係見仁見智嘅啫！
呢度環境好闊落，亦都有BB櫈提供，以早餐時段來講呢度唔算多人，好適合帶住小朋友過嚟食早餐！下次經過呢邊，都有機會繼續嚟食嘅！
53 瀏覽
0 讚好
0 留言
張貼
