Woodsage

營業中

休息中

不錯的泰式餐廳（有小小偏西餐），午餐時段同朋友得登去試試，無叫正餐因為份量足，怕食吾哂，所以叫薄餅一份，小食兩份，各人一杯奶茶，已經好飽。薄餅係《大蔥鴨肉薄餅》口感薄脆又香口，係北京烤鴨嘅味道，餅皮薄似食餅乾咁脆，不過有小小偏甜（烤鴨醬嘅甜），鴨肉味比較淡（因為醬味重），但整好味值得一試。小食係單邊炸雞翼，夠哂辣，脆卜卜， 配上酸酸地嘅醬，味道岩岩好。另一份《酸辣鳳爪》，味道比較淡（同超市比較），吾辣又吾酸（可能未醃到）。飲品係奶蓋泰式奶茶，淡淡嘅一層忌廉（有啲漏），下面嘅泰式奶茶，好夠味，奶茶吾會甜岩岩好，但我覺得吾夠凍（因為杯奶茶無冰）。整體上係可以嘅，即得同朋友去試試（人多可以食多幾款）。