Mr. K Pizza N Chicken (已結業)

最近開關後周圍去旅行，其中一個鍾意去嘅地方就係韓國，因為又多嘢買嘢食又啱口味！登龍街呢間Mr. K Pizza N Chicken主打韓式手工pizza同炸雞，menu好多款，好吸引🤩Lunch set (11:00-17:00) 時間嚟真係好抵食，跟餐仲有沙津同埋餐飲🍽️👍🏻芝士煙肉粗管意粉 $88粗管意粉係咁多款意粉入面最索汁，配埋芝士呢類咁濃厚嘅醬真係好惹味，唔會好濟，份量好大碟完全諗唔到喺lunch嘅份量，食到超飽😁😁火辣烤雞手工pizza $105 喜歡韓式風味一定要叫呢個嚟食💞 香辣BBQ有啲似辣炒年糕個啲醬嘅味道，配埋雞肉、紅椒、紅洋蔥，口感豐富，pizza餅底算係薄批，食落唔會好heavy👍🏻另外佢嘅水牛芝士醬非常拉絲，真係滿足晒我嘅重口味😋😋跟餐+$8 特飲揀咗藍乳酸特飲同埋青蘋果特飲，味道酸酸甜甜好開胃！蜜糖芥末炸雞（半份 ） $128半份有五大件雞肉，仲要係大大嚿無骨炸雞，好彩冇貪心嗌全份🤣炸雞好好味，皮脆肉嫩肉汁好juicy ，難怪係店家推介👍🏻 蜜糖芥末汁甜甜哋好好味，咸甜嘅組合永遠都係咁正🤪🤪鍾意留喺屋企食都無問題，餐廳仲有自己嘅外賣網站，十分之方便👍🏻