御名園

營業中

休息中

叫咗個六人餐，大概$900 ，又有龍蝦， 又有魚， 仲有片皮鴨 。先來兩小碟前菜 ， 酸酸的，都幾開胃㗎。 跟住就冬瓜盅上枱啦。 大大個，非常足料，湯底都好清甜。小朋友最鍾意嘅片皮鴨， 配料有芝麻醬、海鮮醬、柚子醬、仲有新鮮菠蘿條，都幾特別。 正日呢就超級大隻，唔算好肥，皮脆肉嫩，都真係幾好。 主菜上湯龍蝦伊麵底， 我估大概一斤多啲吧，每人都分到兩件左右，啖啖肉， 好入味， 正！ 仲有古法蒸黃花魚， 其實已經食到好飽，呢個餐真係超級抵食。