影片
更多
2010-12-06
4 瀏覽
今日(6-12-2010 Mon)爸爸上大陸,又要諗夜晚食咩o野,o係唔飽唔餓o既時候諗,真係諗到頭都大埋.食少少o野啦,河粉?唔想食.三文治,係喇,三文治,我記得之前睇過呢間,傍晚有特價三文治,好,就o黎呢間睇睇.o黎到,見唔到三文治,唯有睇menu啦,呢o度有好多選擇,由於近來食得太多蛋,所以今次要棄蛋,見佢話漢堡包係全麵,好似好健康喎,咁就叫個$18.00o既鮪魚肉鬆堡,半價($7.00)要杯西柚乳酪,再要個$7.00o既方塊薯餅.老闆收$30.00,重畀張單我睇,原來方塊薯餅都平o左,收$5.00.等o左5分鐘,老闆娘pack好晒畀我,返到屋企又急急地打開喇.先試鮪魚肉鬆堡,舖滿芝麻o既全麥漢堡烘得脆脆,內裡重有新鮮生菜,鮪魚(即吞拿魚)帶微甜,肉鬆微鹹脆口,成個配搭得好好,只係略嫌鮪魚同肉鬆各據一方,如果放埋一堆,就食到香甜脆口鮪魚鬆呢.不過亦有樣o野可以讚,就係啲料唔會邊可口食邊掉,掉到一枱一地都係碎,真係估唔到.而呢個漢堡重竟然一啲油膩o既感覺都冇,但又唔係乾爭爭,打破”好食o既o野唔健康,健康o既o野唔好食”o既定律.味道: 5分方塊薯餅,外型同麥當勞o既一樣,不過呢o
o黎到,見唔到三文治,唯有睇menu啦,呢o度有好多選擇,由於近來食得太多蛋,所以今次要棄蛋,見佢話漢堡包係全麵,好似好健康喎,咁就叫個$18.00o既鮪魚肉鬆堡,半價($7.00)要杯西柚乳酪,再要個$7.00o既方塊薯餅.老闆收$30.00,重畀張單我睇,原來方塊薯餅都平o左,收$5.00.
等o左5分鐘,老闆娘pack好晒畀我,返到屋企又急急地打開喇.
先試鮪魚肉鬆堡,
舖滿芝麻o既全麥漢堡烘得脆脆,內裡重有新鮮生菜,鮪魚(即吞拿魚)帶微甜,肉鬆微鹹脆口,成個配搭得好好,只係略嫌鮪魚同肉鬆各據一方,
如果放埋一堆,就食到香甜脆口鮪魚鬆呢.
不過亦有樣o野可以讚,就係啲料唔會邊可口食邊掉,掉到一枱一地都係碎,真係估唔到.而呢個漢堡重竟然一啲油膩o既感覺都冇,但又唔係乾爭爭,打破”好食o既o野唔健康,健康o既o野唔好食”o既定律.
味道: 5分
方塊薯餅,
外型同麥當勞o既一樣,不過呢o度o既長啲添,味道呢,同麥當勞o既一樣,但又冇咁油喎,以後想食招牌薯餅就唔一定要幫襯麥當勞lu.
味道: 5分
而西柚乳酪呢,
味道幾特別,飲得出微酸o既乳酪味道,而西柚我就唔係太飲得出,或者如果飲得出就唔飲o掛,因為至少o衣o家係易入口呢.
味道: 4.5分
服務:
其實開頭我對$20.00o既新奧爾良雞腿堡有興趣o架,但老闆娘提醒我話有啲辣,佢就介紹我食蝦堡,係炸o既.但我想戒口唔食蝦,,於是至諗到鮪魚肉鬆堡.
o係等o既時候,我見佢朝早開8點,就問佢o地朝早係咪都係賣呢啲?老闆o地答係,重有三文治,不過o衣o家賣晒.我答係啦,我明明記得有o架嘛.(心諗:真好賣)而我又見到出面有摺枱就問係咪可以坐o係o度食o架?老闆娘答係呀,如果o衣o家我要o係o度食,佢可以開張枱畀我.(呵呵,即係有時朝早,我可以帶男友o黎呢o度食啦.)
其他:
拎走雖然都係用膠袋,但個袋唔大個,size o岩o岩好,穩陣又環保.
張貼
