可可豬海南雞專門店 (寶榮大廈) (已結業)

可可豬海南雞專門店，小小店面，多半做外賣，入面亦有少量座位，可以堂食。今次我外賣回家食，叫咗兩個飯加兩個小菜同飲品。「特色椰香海南雞飯」$80油飯超香，飯粒柔軟帶黏性，啖啖椰香味，雞肉香滑，加少少醬汁味道仲濃。「藥膳醉雞配白飯」$68酒味偏甜，醉雞肉質好滑嫩。「養生秋葵」+$15好健康嘅小食，秋葵唔會煮得過老，入面最有營養嘅黏液仲保留到。「麻辣雞腎」+$22好惹味～雞腎爽爽脆脆的口感，好好味。「金羅漢果養生茶」+$15金羅漢果茶味道清香，甜而不膩，好滋潤。