合十 (已結業)

今日嚟到觀塘合十呢間樓上cafe食下午茶 呢度有室外位同室內位 雖然而家天氣都算熱 但坐室外位因為有遮陰同風扇 所以坐落都唔會唔舒服 而且唔少人仲帶埋狗仔上嚟㖭 泰式生蝦 - 泰式生蝦佢跟嘅醬係帶少少香葉味既汁 而唔係一般食嘅酸辣汁 生蝦新鮮夠凍 食落去都仲係爽同鮮甜 加埋蒜片同埋醬汁食都幾好味巴馬火腿蝦球扁意粉 - 大片嘅巴馬火腿 幾隻好大隻彈牙爽口既大蝦 加埋蘆筍辣椒粒炒香好惹味 而且意粉炒得乾身爽口唔會過淋多一士不如少一士 - 係士多啤梨乳酪沙冰 我叫咗小甜 士多啤梨味唔會係化學怪味 乳酪味都幾出 幾好飲藍藍天空高掛我的夢 - 呢杯係男朋友叫嘅 帶少少椰子香嘅沙冰 口感順滑特濃咖啡配心太軟伴雲呢拿雪糕 - 平時食心太軟最驚好甜 但係呢度嘅心太軟係配埋特濃咖啡 按自己嘅口味選擇份量淋上面 可以中和到心太軟嘅甜度 食得多都唔會覺得太膩 而且呢度嘅雲呢拿雪糕係Movenpick 非常滑