日本料理とん勝 (已結業)

日本料理とん勝 lunch - 豬柳午市御膳（$78+10%）（每日首30份$50咋可惜我唔夠早🤔）傳聞係真嘅，呢度真係好多日本人黎食！我都係因為咁慕名嚟到呢度。吉列做得好好，酥脆又唔油膩，豬肉採用鹿兒島黑毛豬，炸完仍然多汁鬆軟 ！（幾年前去鹿兒島食過吉列豬真係好好食嫁🙉🙉🙉）芝麻用黑+白芝麻，更香！我食哂😌白飯香甜、面豉湯略咸不過好多料。稍稍失色的是椰菜絲，唔多清甜，而且得芝麻醬揀，如果有柚子醋就好了。另外，其實我加＄8點左杯cranberry juice， 但呢杯野就真心差，唔知點解係灰綠色，勁多冰，而且係沖糖漿出黎....早知係咁飲茶算🙈總結，吉列豬係有水準的！！$80幾蚊抵過丼丼屋！