影片
更多
2009-10-20
18 瀏覽
http://hk.myblog.yahoo.com/jessicalim1112/article?mid=7183星期二，22-9-09辦理完老爺嘅骨灰位之後其實都好快，我地係下午嘅第一個所以唔洗5分鐘辦理好晒所有手續之後去咗明安街家興超級市場我要去搵椰青水無晒，比人買晒行完幾個圈都唔見有喇到我地行出去個時候有一大班救護人員施施然咁行入黎睇二朝睇報紙時原來有個執貨員暈咗，送到醫院之後救唔返噢!!!原來咁大件事咁好心啲救護員行快啲啦之後就約咗爹地媽咪妹妹去飲茶哈哈哈，咁啱冚家放假好多嘢食揀架棉花白兔仔好似食梗空氣咁，造型好可愛呢懷舊白糖糕酸咗啲啲，不過因為太耐無食，好好食迷你擂沙湯圓我無食過，呢個你爹地媽咪嘅至愛見佢地一粒接一粒，都知好食啦炸雲吞我地叫咗兩碟，皮炸得好鬆化，好脆脆向陽粉果我又無食，因為又係爹地媽咪至愛山竹牛肉球勁多山竹墊底，即刻同屋企人講以後飲茶黎呢到，牛肉又好食，山竹又多，正呀豉汁蒸鳳爪無咩特別，食完之後無一陣味因為唔知點解每次食完豉汁蒸鳳爪之後都有一陣味叉燒包我無食到喇，不過佢地話個包皮好好食叉燒湯河呢碗係爹地嘅，因為爹地唔食得燒鴨燒鴨湯瀨/河叫咗兩碗，4個人分正，
星期二，22-9-09
辦理完老爺嘅骨灰位之後
其實都好快，我地係下午嘅第一個
所以唔洗5分鐘辦理好晒所有手續
之後去咗明安街家興超級市場
我要去搵椰青水
無晒，比人買晒
行完幾個圈都唔見有喇
到我地行出去個時候
有一大班救護人員施施然咁行入黎
睇二朝睇報紙時
原來有個執貨員暈咗，送到醫院之後救唔返
噢!!!原來咁大件事
咁好心啲救護員行快啲啦
之後就約咗爹地媽咪妹妹去飲茶
哈哈哈，咁啱冚家放假
好多嘢食揀架
棉花白兔仔
好似食梗空氣咁，造型好可愛呢
懷舊白糖糕
酸咗啲啲，不過因為太耐無食，好好食
迷你擂沙湯圓
我無食過，呢個你爹地媽咪嘅至愛
見佢地一粒接一粒，都知好食啦
炸雲吞
我地叫咗兩碟，皮炸得好鬆化，好脆脆
向陽粉果
我又無食，因為又係爹地媽咪至愛
山竹牛肉球
勁多山竹墊底，即刻同屋企人講
以後飲茶黎呢到，牛肉又好食，山竹又多，正呀
豉汁蒸鳳爪
無咩特別，食完之後無一陣味
因為唔知點解每次食完豉汁蒸鳳爪之後都有一陣味
叉燒包
我無食到喇，不過佢地話個包皮好好食
叉燒湯河
呢碗係爹地嘅，因為爹地唔食得燒鴨
燒鴨湯瀨/河
叫咗兩碗，4個人分
正，燒鴨浸湯後唔會un，仍然有肉汁
鳳冠翡翠餃
唔知好唔好食，我估唔好食，因為無人願意夾
蝦餃
媽咪唔食蝦餃，一人一粒剛剛好
水晶百合餃
唔......唔好食呱，因為又係無人夾
蛋煎糯米雞
呢個係煎糯米雞，好濕呀，不過又幾好味喎
香蔥芝麻大餅
好香，好咸，好脆，好食
香煎蘿蔔糕，一般
馬蹄糕，唔夠食
鮮蝦腐皮卷
唔知點解會比6條我地呢?
明明一碟得3條之嘛
不過好彩佢比6條咋
因為好好食架，入面啲蝦大大粒，又爽口喎
豉油皇腸粉
我唔食煎/炒嘅腸粉
生煎菜肉包
我唔食煎過嘅包
鴻圖燒賣
唔好食，好大舊肥肉
5個人食咗450下午茶
好平呀
平時飲茶咁食法
六百蚊都唔知得唔得呀
張貼
