L'attitude (已結業)

成日經過堅尼地城都會見到呢間L‘attitude，門口放着一隻非常吸引人目光的大兔兔，今晚就約埋好朋友一齊黎童真一下先！餐廳裝修感覺好啱女生或小朋友，可愛的小兔兔無處不在！而座位則以卡座為主，座位都幾寬闊，保證坐得舒適餐廳主要供應西式食物，有飯、意粉、小食、甜品等等多種選擇8安士美國特級肉眼扒Request左7成熟，所以肉質都幾軟腍，並不如全熟的硬，牛肉味仲好濃郁添！旁邊伴碟嘅烤雜菜同薯塊都好香口又健康！8安士份量女仔食就啱哂加勒比海海鮮薄餅批底係薄脆批，厚度大約只有1mm，所以感覺比較輕盈，食多幾塊都唔會覺得油膩！芝士同海鮮份量都算充足，好芝味！廚師仲好創新地加咗檸檬碎片落去，所以食落酸酸地，好開胃，減低左芝士嘅膩感