影片
更多
2017-05-28
126 瀏覽
九龍灣淘大附近有好多餐廳，所以放左工之後都特登過黎搵野食😎見到呢間餐廳個樣好少女風，而且食物價錢都好合理，就決定食呢間啦入到店入面果然充滿藍白少風，好岩同好姐妹食下午茶。我去到已經係9點，所以店唔係好多人。菜式以韓國/台灣為多，照片睇落好吸引，價錢都好合理。我地諗左陣就簡左幾樣野食。主食我地叫左韓燒肉汁烤牛肋骨，賣相同menu好相似呢個set包埋飯同湯，味道都好正。牛肋骨嘅肉質好軟，但軟得黎都有少少筋嘅口感，而且韓燒肉汁甜甜地，加上有洋蔥嘅味道，變得更加鮮甜。牛肋骨並唔係全熟，所以切開可以見到牛肉帶有粉紅色，好嫩滑。牛肉嘅份量都有好多，一個人食會好飽。我地都叫左個士林炸雞。雖然佢個名叫士林炸雞，但我覺得佢係台灣炸雞同韓國炸雞嘅綜合版。味道有d似台灣嘅炸雞，但味道無台灣炸雞咁重。而炸皮同size就比較似韓式，而且點醬都好似韓式先會有。炸雞味道都ok,有好多種醬可以簡，但我覺得唔點嘅味都已經ok,不過肉質有d乾。另外，我覺得隔離嘅薯片味道都幾好。蜜糖味幾出，而且係我中意嘅厚切薯片。另外，我地都叫左個燉牛肉芝士餅。我覺得呢個就普普通通啦，芝士同牛都幾多，可以做到微微拉絲嘅效果，但餅皮就有乾，
入到店入面果然充滿藍白少風，好岩同好姐妹食下午茶。我去到已經係9點，所以店唔係好多人。
菜式以韓國/台灣為多，照片睇落好吸引，價錢都好合理。我地諗左陣就簡左幾樣野食。
主食我地叫左韓燒肉汁烤牛肋骨，賣相同menu好相似呢個set包埋飯同湯，味道都好正。牛肋骨嘅肉質好軟，但軟得黎都有少少筋嘅口感，而且韓燒肉汁甜甜地，加上有洋蔥嘅味道，變得更加鮮甜。牛肋骨並唔係全熟，所以切開可以見到牛肉帶有粉紅色，好嫩滑。
牛肉嘅份量都有好多，一個人食會好飽。
我地都叫左個士林炸雞。雖然佢個名叫士林炸雞，但我覺得佢係台灣炸雞同韓國炸雞嘅綜合版。味道有d似台灣嘅炸雞，但味道無台灣炸雞咁重。而炸皮同size就比較似韓式，而且點醬都好似韓式先會有。
炸雞味道都ok,有好多種醬可以簡，但我覺得唔點嘅味都已經ok,不過肉質有d乾。另外，我覺得隔離嘅薯片味道都幾好。蜜糖味幾出，而且係我中意嘅厚切薯片。
另外，我地都叫左個燉牛肉芝士餅。我覺得呢個就普普通通啦，芝士同牛都幾多，可以做到微微拉絲嘅效果，但餅皮就有乾，特別係邊邊位。不過上面嘅汁都加番d分，d汁酸酸甜甜，中和番入面較濃嘅味。
最後，當然要叫番個甜品黎食啦。首先個賣相好靚，最岩打卡。而味道都ok,最下面係炸過嘅厚多士，上面擺滿好多香蕉，cream,棉花糖同雪糕。甜度岩岩好，朱古力雪糕同香蕉好夾，而且雪糕唔似係平野。不過多士就乾左d,一定要加cream或者雪糕先好食。
食左咁多野都係每人百幾蚊，而且環境好靚，岩晒一班女仔黎食。食物質素ok,烤牛肋骨更係水準以上。不過有d食物就乾左d,但總括而言都不錯。
張貼
