Pompompurin Cafe (已結業)

而家既新一代小朋友真係好叻,我家的9歲小妹妹自己在電腦搵到依間Pompompurin cafe,仲要星期日最多人排隊既日子先吵著要去食.......作為負責任既家長,我地只好認命去排隊....不出所料,帶位姐姐話要排1個鐘,時間漫漫經過,45分鐘後終於到我地,去到門口例影相留念啦,因為係地下鋪,有條樓梯要落去,又例影相,落到去後好大一隻布丁狗...又影....坐低之後繼續影....睇完餐牌,我地叫左兩個飯,一個煙肉蘑菇卡邦尼意大利粉同埋一杯布丁狗芒果芭菲,咖哩飯分別係椰汁咖喱雞肉飯同俄羅斯風燉牛肉飯,服務員姐姐一拿上台,小朋友們見到都"哇"左一聲,個飯係用黃薑飯組合成一隻布丁狗樣子而成,好可愛,微辣,煙肉蘑菇卡邦尼意大利粉不過不失,價錢貴左少少,食完後到布丁狗芒果芭菲上場,今次布丁狗更加立體化上場,又係可愛極....份量十足,怕肥就要小心D,價錢係貴,不過環境加上可愛...都算值回票價,食飯其次..重點可能係可以影好多相