菠蘿仔食堂 (沙田站) (已結業)

尋日行過本來淨係想買個沙嗲牛肉包就走，點知係等餐嘅期間就比我發現咗呢一個好得意又好吸引嘅菠蘿曲奇餅，佢嘅售價係$158有12粒，可能有啲貴，但返去試過食真係好好味，佢個外型好盞鬼做到成個菠蘿包咁，一口咬落個迷你菠蘿包度，外皮好脆，咬到中間嘅菠蘿餡料唔會太甜，同曲奇餅好夾，新年就嚟到喇，除咗以往成日買開嗰啲藍罐曲奇餅、金莎朱古力等等，今次可以有個新嘗試買來作為新年賀禮都可以，因為佢個包裝盒都好靚，設計簡單美觀，內裏用紙盒獨立包裝，每一個紙盒都裝有兩粒曲奇餅。