為食龍 (已結業)

呢間中環餐廳位處上山頂扶手電梯旁，雖然位置有啲隱閉，但入到去氣氛好chill，因為有好多恐龍嘅掛畫同擺設。食物方面，餐廳主打日式食物。餐廳亦都有各種酒類，落地玻璃加氣氛舒服，好啱一班朋友嚟淺酌談心。我地點左四件壽司，全部都係軍艦，賣相一流。每件壽司價格不同，但大大件都食得過。另外店員介紹我地食螢光魷魚，配上味噌造成嘅醬汁，口感清新。主食決定食豪啲，要左一個炙燒左口魚蟹膏丼。呢個真係無嗌錯，因為丼飯配上大量蟹膏，食落咸咸地；不過重點是五至六片好大塊嘅左口魚邊，鋪滿全碗飯，火炙後油香滿溢，同飯係完美結合，完全唔需要再點鼓油。值得一讚嘅係，全晚店員服務都好殷勤，而且態度一流，期待下次再嚟幫襯😊