影片
更多
2017-01-23
902 瀏覽
曾經喺韓國住過一排 總係覺得韓國既餐廳經營得比香港既有心思～佢地重視既 除左係食物既質素之外 仲有食物既賣相同埋餐廳店員既待客之道～ 之前冇機會去韓國好hit 既selfie cafe 估唔到呢類餐廳開到黎香港！Selfie Cafe 用左薄荷綠色作為招牌同埋店內裝潢既主要顏色 店內設計都好別出心裁 感覺上好適合開party～ 我地去個日咁岩有人喺度慶祝生日 餐廳有好多好靚好可愛既氣球～Selfie Cafe 除左主打一啲西式小食之外 仲有好多個擺滿精緻甜品既櫥窗 下面有好多好精緻既馬卡龍 有啲仲印住祝賀新年既喜慶字眼同埋圖案 仲有好多款表達心意既字句 好有創意～就連呢個menu 都設計得咁靚 金色既字體 配上一個蛋糕圖案作為背景 令客人食之前已經食慾大增～入面有多款精選既蛋糕同飲品 由於個日同朋友去之前冇乜點食過野 所以最後都係決定食大份少少既tea set 我仲點左一杯凍既布魯塞爾濃情朱古力🍫Tea set 方面 由於所有菜式都好吸引 我爭扎左好耐先決定點一個竹炭漢堡🍔其實我仲好想試佢既麵同埋沙律 唯有下次先試～原來呢個就係竹炭漢堡 佢個麵包係黑色 面頭係好似菠蘿包咁 有好多好香脆
Selfie Cafe 用左薄荷綠色作為招牌同埋店內裝潢既主要顏色 店內設計都好別出心裁 感覺上好適合開party～ 我地去個日咁岩有人喺度慶祝生日 餐廳有好多好靚好可愛既氣球～
Selfie Cafe 除左主打一啲西式小食之外 仲有好多個擺滿精緻甜品既櫥窗 下面有好多好精緻既馬卡龍 有啲仲印住祝賀新年既喜慶字眼同埋圖案 仲有好多款表達心意既字句 好有創意～
就連呢個menu 都設計得咁靚 金色既字體 配上一個蛋糕圖案作為背景 令客人食之前已經食慾大增～
入面有多款精選既蛋糕同飲品 由於個日同朋友去之前冇乜點食過野 所以最後都係決定食大份少少既tea set 我仲點左一杯凍既布魯塞爾濃情朱古力🍫
Tea set 方面 由於所有菜式都好吸引 我爭扎左好耐先決定點一個竹炭漢堡🍔其實我仲好想試佢既麵同埋沙律 唯有下次先試～
原來呢個就係竹炭漢堡 佢個麵包係黑色 面頭係好似菠蘿包咁 有好多好香脆、凹凸不平既脆皮 食落竟然係甜甜地 我仲以為會係帶點苦澀味～至於麵包質地好鬆軟 口感好唔錯～😋
一定要為呢隻半熟蛋黎一個近鏡！佢既蛋黃同蛋白都係處於半流體既狀態 我諗呢個亦係佢地既賣點 所以佢地一拎上枱已經冇將個麵包皮蓋係隻蛋上面🍔 一黎可以睇到食物既精髓 二黎係為左防止香滑既蛋汁被麵包吸乾🍳
Selfie cafe 既賣點一定係杯飲品 只要download一個 selfie cafe 既 App 然後按照自己既訂單上傳一張心水既靚相 佢就會幫你印喺杯飲品既面頭～ 我呢杯係line friends store 入面既熊大！佢超可愛 我完全唔捨得飲😍
我欣賞左十分鐘之後 影左好多張相留念😂 最後終於插左枝飲管落去 點知一插落去 佢 既五官都唔見曬😭 講時講 杯朱古力好好味 好濃郁既朱古力味 甜甜地又帶點苦澀 好中意佢甜而不膩既味道😋
臨走之前發現左呢部打印機 原來飲品上面既相 都係靠呢部機打印出黎～而家啲產品真係愈黎愈高科技 咩野都可以用印刷技術製作 真係好新奇唔知遲啲仲會有啲咩新既創意食品呢 😁
最後埋單每人都唔洗一百蚊 個人認為價錢合理 服務態度都好親切～ 呢次係一個好特別既體驗 可以見到自己既相出現既食物上面 仲要係可以食用既添～☺
張貼
