Terrace in seaside (德福廣場1期)

營業中

休息中

放工去德福廣場睇下有咩食，見到有間柑橘主題嘅韓式Cafe勁得意🍊有主食，有甜品又有精緻飲品，決定去試下。韓國蜆肉紫蘇飯 $118————————————粒粒蜆肉同飯嘅比例係一比一，好抵食。少少辣味，成個配搭係超好送飯，一啖蜆肉一啖飯，不經不覺食晒成大碟紫蘇飯。炭燒雞肉飯卷 $78————————————經典嘅韓國飯卷，令我置身野餐嘅感覺，青瓜、蛋、蘿蔔、芝麻，加上炭燒雞肉，既清新又豐富不單調。至臻蜂巢無花果窩夫 $188————————————啲Cream超軟綿綿，配上富蛋香味鬆軟嘅窩夫🧇真係好正呀，再加上草莓同無花果，更加豐富。最鍾意係個蜂巢，好細啖食都已經勁多蜂蜜爆出嚟，正。濟州柑橘乳酪 $68————————————超可愛，成大個柑橘🍊，飲落去好多果肉，原來柑橘同乳酪咁夾。漂浮棉花糖朱古力咖啡 $52————————————棉花糖真係一直漂浮直到飲完杯Mocha，好治癒嘅感覺☁️暖暖的一杯。