Table 18 Bar & Restaurant (已結業)

好耐無嚟喇，揀咗呢度同同事食飯，貪佢有自助沙律bar，疫情期間餐廳提供透明膠手套比客人，出去拎嘢食要戴口罩及手套，沙律bar食物有透明膠蓋蓋住，基本上手都要插入蓋孔先拎到個蓋走，難怪要使用膠手套，自助沙律bar同兩年前無太大分別，有餐包、沙律菜、配料、火腿同芝士，多咗幾款特式沙律，包括：泰式粉絲沙律、吞拿魚沙律、紅菜頭蘋果醋沙律。拎完沙律後餐湯已經到咗，餐湯係蔬菜忌廉湯，清清地幾好味沙律bar質素正常，特式沙律味道較佳主菜到咗，感覺有啲差嘅，唔太美觀雖然煎到黃金面，但睇落條魚好似有啲霉，食落魚質鬆散，雪味重同事叫咗肉眼扒亦唔美觀，同茶餐廳無異餐茶要讚，檸檬同水壺都分開上，感覺可以比客人慢慢坐傾多陣*食主菜期間見到沙律bar有客人無戴口罩及手套，員工亦無留意，雖然提醒員工後有即時叫返該客人戴返口罩，睇得出係人手不足導致員工留意唔到，但此事令人感到非常唔衛生，希望疫情期間可以多加留意。