金船長餐廳 (已結業)

有日同朋友傾開黑松露，佢話係大角咀有間食黑松露吾錯，今日約左佢一齊去試下。大約8點到差不多滿，幸好訂左位。入到去大約有8張4人桌。地方都乾淨。待應好快比水同介紹晚餐。最後散叫1個6吋薄餅，2個主菜加套餐和2個甜品。澳洲西冷跟薯菜紅酒汁10oz：今次叫左7成熟，切開左見到仲有少少紅色係度，抵讚！～肉味都係度同面有少少燶不錯，不用醬汁都可以食到原味。6吋黑松露菌醬意式馬斯卡普芝士：一黎已經有股勁濃既芝士飄過黎，一直以為薄餅咁，原來反而似燒餅。入面黑松露勁香，待應話如果覺得想轉口味可以加提子醋或菜苗，任選其一。點知加左真係本來覺得少許滯既芝士味既即時冇晒，有少少清新。推介好味。怪不知拿獎。餐湯：湯係菜湯，比較淡但菜味反而特出都吾錯。包方面夠熱同軟身加少少牛油已經夠香。老虎蝦龍蝦汁意大利飯：老虎蝦大隻而爽身，一看已知新鮮貨。龍蝦汁堅濃及滲入意大利飯好入味，意大利飯煮得剛好吾硬身。反而份量過多...吃不完..哈哈金船長梳乎里：今次選擇薑味，在桌面看到佢脹呼呼已經十分吸引，食落去好軟棉棉和薑味勁重..已經十分討好。因為邊焗過關係有少少脆。這個獨食不叫過份。心太軟朱古力布甸：朱古力濃，雪糕加小小木槺