影片
更多
2022-06-30
8916 瀏覽
好耐之前有聽過其他人話Alva嘅自助餐唔錯~今日一試,完全係開了我的眼界！自問都係一個幾喜歡吃自助餐,而且又大食嘅人~但我喺呢度完全食唔飽,因為真係無乜嘢好食...先嚟當然係去排下生蠔排下魚生壽司~可能因為第一轉,所以都排成起碼10分鐘,不過睇到都覺得好一般...希靈魚正正常常,但鯛魚有點霉又有筋...生蠔又瘦又無味,食咗一round已經無再去拎了...然後試下啲沙律~正正常常嘢,感覺都算新鮮~熟食款式唔多,個燒牛肉可以一試~然後佢中間位置仲有啲炸嘢,天婦羅同埋串燒嘅攤位,但基本上永遠都係吉嘅...個廚師仲要話: 唔好排啦,有排都未整好~雖然唔係話態度差,但嚟食自助餐,連熱食咁基本都唔識先整定要翻熱?有真係咁追求啲嘢一定要新鮮即製即放入客人個碟嗎?我好好運咁拎過一次炸魚,味道係唔錯(起碼係所有熟食中最正常),難怪常常有人喺攤位附近徘徊等出爐~最後去到甜品~無錯,係有好多款嘅選擇,仲有一大櫃嘅蛋糕仔,但...又真係無一款吸引我!於我而言,自助餐嘅靈魂係甜品,就算唔係多款或款款都正,最起碼俾一兩款我會想無限encore嘅嘢~但sorry,真係無...我第一次拎已經唔太拎得落手,因為如圖中放
今日一試,完全係開了我的眼界！
自問都係一個幾喜歡吃自助餐,而且又大食嘅人~
但我喺呢度完全食唔飽,因為真係無乜嘢好食...
先嚟當然係去排下生蠔排下魚生壽司~
可能因為第一轉,所以都排成起碼10分鐘,不過睇到都覺得好一般...
希靈魚正正常常,但鯛魚有點霉又有筋...
生蠔又瘦又無味,食咗一round已經無再去拎了...
刺身&冷盤
76 瀏覽
3 讚好
0 留言
然後試下啲沙律~
正正常常嘢,感覺都算新鮮~
沙律
43 瀏覽
0 讚好
0 留言
熟食款式唔多,個燒牛肉可以一試~
然後佢中間位置仲有啲炸嘢,天婦羅同埋串燒嘅攤位,但基本上永遠都係吉嘅...
個廚師仲要話: 唔好排啦,有排都未整好~
雖然唔係話態度差,但嚟食自助餐,連熱食咁基本都唔識先整定要翻熱?
有真係咁追求啲嘢一定要新鮮即製即放入客人個碟嗎?
我好好運咁拎過一次炸魚,味道係唔錯(起碼係所有熟食中最正常),難怪常常有人喺攤位附近徘徊等出爐~
熟食
79 瀏覽
0 讚好
0 留言
最後去到甜品~
無錯,係有好多款嘅選擇,仲有一大櫃嘅蛋糕仔,但...又真係無一款吸引我!
於我而言,自助餐嘅靈魂係甜品,就算唔係多款或款款都正,最起碼俾一兩款我會想無限encore嘅嘢~
但sorry,真係無...我第一次拎已經唔太拎得落手,因為如圖中放外邊嘅cake,上面係有蚊滋仔食緊...
而喺雪櫃入面嘅cake個樣同啲古老餅店賣嘅款式類似,完全唔吸引我去夾...
甜品
109 瀏覽
2 讚好
0 留言
總括而言,今日食過最好食嘅係滷豆腐同埋乳鴿~
真係講出嚟都以為自己今日係去食大牌檔...
而且乳鴿仲要係一出爐就搶空,可見受歡迎程度(好食食物嘅欠缺程度)...
呢度環境都舒服嘅,望河嘅一邊景觀比較好,但我哋張檯係望對面大廈...
而職員服務一般,好似好受委屈咁...
要掃安心哥個位又勁黑,我開個燈照下嚟掃,已經盡量燈頭向下,但佢都好似啲明星俾狗仔隊影相咁遮眼又皺眉...
我都知唔好意思,但其實係咪可以貼心啲,個牌上面整盞燈嚟打下光?
去其他酒店嘅呢啲牌都有盞燈咁向下射,甚至會有員工拎個電筒出嚟幫手照~
你無,ok,但我唔係想照住你,我都只係想掃個碼入去食嘢啫,唔使咁不耐煩嘅...
所以,呢間自助餐真係完全唔推錢,浪費時間浪費金錢浪費我胃嘅空間...
張貼
