魚鈁 (汝州街) (已結業)

又到星期五食好西時間，本身其實心思思想去太子食飯點知想去間餐廳已經執左🥲最後黎左深水埗稔起可以食雞煲，正！次次黎親都爆棚等好耐，今次難得唔洗等位2個人例牌叫個重慶雞煲1個辣炒土豆絲再加枝青島麻甩得黎又滿足👏🏻如果未食過建議一定要試重慶雞煲，$208半隻份量仲要大，啲雞唔係得骨頭，煲入面加左菇、豆卜等配料，吸收曬啲汁嘅精華超級惹味！話佢係全香港最好食嘅雞煲絕對唔過份！另外見到好多檯都有叫炸饅頭，望落都唔錯，下次嗌多啲人黎試吓先🙌🏻星期五六建議訂定位先❤️