雲貴川小鬍子 (譚公道)

營業中

休息中

香港人講起米線，十居其九一定會聯想起譚仔/譚仔3哥。但其實香港重有好多食嘅米線小店（越嚟越少依家）。雲貴川，可以話比譚仔更早出嚟賣米線嘅餐廳，我喺土瓜灣長大，真係食住雲貴川大。我覺得雲貴川出色嘅有兩樣嘢：1:湯底：雲貴川湯底絕對係抵讚，我叫嘅小窩米線有酸菜、芽菜同肉碎，好足料，辣味並唔係死辣。2:辣腩肉：佢嘅腩肉有唔辣/辣/麻辣三種口味選擇。唔同譚仔，佢嘅肺肉係預先煮咗，所以係好入味，唯一不足就係佢用瘦肉，唔夠有肥膏嘅滑。