影片
更多
2021-03-15
240 瀏覽
同女友係附近食完晚飯，想搵甜品食，行過見到呢間鋪頭見評分唔錯入去試試。 入到去裝修同餐牌都好舊，心諗無所謂喇，最緊要好食。埋到枱見到張櫈有d污糟，所以換過一張。就係拎起張櫈換之際，有個人同我擦身而過。當時我聞到好大陣“叔”味，我估係張櫈同地板太舊太污糟。陣味過一陣雖然減弱左，但依然久久不散。 鋪頭本來都好寧靜，坐低點左 原味木糠布甸 同 原味梳乎厘，點知突然音樂響起。雖然本人都喜歡聽王菲，但音量大得嚇我一跳，令人覺得煩躁。呢d只係前奏，奇妙既事陸續發生。 無幾耐我又開始間歇感受到果陣“叔”味，若隱若現。終於發現到陣味并唔係由枱櫈發出，係由活體發出! 每當前文提到既人 (廚房整甜品，估計係老闆) 經過既時候，濃濃既臭味就湧入我跟女友既鼻孔。 講到呢到，果個人送左木糠布甸黎喇。我倆就等佢入返廚房，陣臭味散走少少先開始進食。奶味好濃，正常情況下應該幾好味，但始終形住個布甸有陣叔味徘徊。 戲肉，梳乎厘上枱既同時，都係員工晚膳時間，呢個都係今次經歷最嘔心既地方。由於果個人就坐係我地背後食飯，佢身上散發既味道顯得赤裸非常，有如洗衫後潮濕未乾既叔味，混合濃烈至極既臭汗味。我跟女友完全，係完全沒有喘息
入到去裝修同餐牌都好舊，心諗無所謂喇，最緊要好食。埋到枱見到張櫈有d污糟，所以換過一張。就係拎起張櫈換之際，有個人同我擦身而過。當時我聞到好大陣“叔”味，我估係張櫈同地板太舊太污糟。陣味過一陣雖然減弱左，但依然久久不散。
鋪頭本來都好寧靜，坐低點左 原味木糠布甸 同 原味梳乎厘，點知突然音樂響起。雖然本人都喜歡聽王菲，但音量大得嚇我一跳，令人覺得煩躁。呢d只係前奏，奇妙既事陸續發生。
無幾耐我又開始間歇感受到果陣“叔”味，若隱若現。終於發現到陣味并唔係由枱櫈發出，係由活體發出! 每當前文提到既人 (廚房整甜品，估計係老闆) 經過既時候，濃濃既臭味就湧入我跟女友既鼻孔。
講到呢到，果個人送左木糠布甸黎喇。我倆就等佢入返廚房，陣臭味散走少少先開始進食。奶味好濃，正常情況下應該幾好味，但始終形住個布甸有陣叔味徘徊。
戲肉，梳乎厘上枱既同時，都係員工晚膳時間，呢個都係今次經歷最嘔心既地方。由於果個人就坐係我地背後食飯，佢身上散發既味道顯得赤裸非常，有如洗衫後潮濕未乾既叔味，混合濃烈至極既臭汗味。我跟女友完全，係完全沒有喘息既空間。我已經食唔出梳乎厘既味道，只可以講d皮有點韌。
最後我地食左3分1既梳乎厘就頂唔緊，埋單走。
最後我同我女友都半夜肚痛痛醒左。
最後我決定獻出我第一次，寫左呢篇食評。
10 瀏覽
0 讚好
0 留言
淨係影左梳乎厘
張貼
