影片
更多
2018-02-09
150 瀏覽
由於好懷念小時侯食既酥皮湯，咁岩我個Fd上次又食過呢間唔錯, 所以黎試下。一入到黎充滿懷舊既味道，比人一種好舒服既感覺，冇諗過原來呢間係食中西餐既。Waiter好友善，見我地入到黎諗左好耐都揀唔到食咩好，於是佢就推介左酥金寶比我地啦!佢D水都係日本既，感覺好特別。酥金寶黎啦, 佢係酥皮瑤柱龍蝦湯農夫包配烏冬，炸蝦好鬆化，熱度夠，一打開個酥皮湯亦都有驚喜，正呀!係好懷念既味道呀!瑤柱唔多，但龍蝦湯既味道好香濃，仲有幾隻蝦仔係入面添呀! 配上軟度剛好既烏冬，沾一沾湯汁一口吃盡，好好既配搭，旁邊既溏心蛋片都係誠意之作，茄仔都香甜多汁。同埋我地仲叫左個鐵板餐share黎食，首先黎既係餐包，大大個呢。我地仲加左$20轉酥皮湯!食扒餐點可以唔叫架，呢個酥皮湯同酥金寶個個應該係一樣既，都係咁香滑，而塗滿左蛋黃汁既酥皮係金黃色架, 賣相都好吸引。至於鐵板餐，呢個係紐西蘭牛扒5成熟，加上醬汁灑落鐵板所產生既熱力，呢塊扒既口感一流，我地揀既蒜蓉汁好香，但我估最夾既應該都係黑椒汁haha，而薯角亦好香脆同熱辣辣，最有趣既係好大舊番茄做配菜。食得差唔多都叫左杯野飲，跟餐叫抵D，我叫左杯勞氣沙冰而我朋友就叫左杯
一入到黎充滿懷舊既味道，比人一種好舒服既感覺，冇諗過原來呢間係食中西餐既。
Waiter好友善，見我地入到黎諗左好耐都揀唔到食咩好，於是佢就推介左酥金寶比我地啦!
佢D水都係日本既，感覺好特別。
酥金寶黎啦, 佢係酥皮瑤柱龍蝦湯農夫包配烏冬，炸蝦好鬆化，熱度夠，一打開個酥皮湯亦都有驚喜，正呀!係好懷念既味道呀!瑤柱唔多，但龍蝦湯既味道好香濃，仲有幾隻蝦仔係入面添呀! 配上軟度剛好既烏冬，沾一沾湯汁一口吃盡，好好既配搭，旁邊既溏心蛋片都係誠意之作，茄仔都香甜多汁。
同埋我地仲叫左個鐵板餐share黎食，首先黎既係餐包，大大個呢。
我地仲加左$20轉酥皮湯!食扒餐點可以唔叫架，呢個酥皮湯同酥金寶個個應該係一樣既，都係咁香滑，而塗滿左蛋黃汁既酥皮係金黃色架, 賣相都好吸引。
至於鐵板餐，呢個係紐西蘭牛扒5成熟，加上醬汁灑落鐵板所產生既熱力，呢塊扒既口感一流，我地揀既蒜蓉汁好香，但我估最夾既應該都係黑椒汁haha，而薯角亦好香脆同熱辣辣，最有趣既係好大舊番茄做配菜。
食得差唔多都叫左杯野飲，跟餐叫抵D，我叫左杯勞氣沙冰而我朋友就叫左杯鴛鴦，兩杯個名都好搞笑而且好有特色。
勞氣沙冰成杯都係朱古力整既，仲有大大球朱古力雪糕，岩哂我呢D朱古力人!
最後見到個小食都好吸引，忍唔住口叫左個柚子雞翼，估唔到雞翼幾入味，呢間野中西餐味道都唔錯呀，雞翼上仲有粒粒既柚子，柚子既香味滲透左入D雞翼入面!
下次應該會再黎食下其他，當然必叫酥皮湯，畢竟宜家整到高質酥皮湯既唔多
張貼
