牛牛日式火鍋放題 (北角匯二期)

營業中

休息中

今日嚟到北角北角滙，揀咗一間火鍋放題嚟到食晚飯，喺餐牌見到一個叫做三極級三筋肉嘅肉類，我唔知咩叫三極級三筋肉，我第一次聽（恕我孤陋寡聞😂），不過又想試吓佢究竟係咩料，所以就揀咗呢一個餐。三筋肉嚟到嘅時候望到啲肉嘅油脂都幾多，但係唔算有好重嘅油脂香味，不過佢嘅肉質算係好食，好淋好嫩有肉味，如果二百幾蚊食呢款肉，仲要係放題，我覺得係超值👍🏻，你仲可以選擇其餘兩款肉，不過瞬間就會比下去，另外豬肉佢都有兩款，我就特登叫咗西班牙伊比利亞豬嚟到試吓，又見到個樣都煮熟咗，有少少俾佢呃咗以為係牛肉，其實食落口都唔係好似豬肉，佢嘅肉質唔係鞋，都係好淋好嫩，幾精彩👍🏻。順帶一提呢度嘅雪糕係movenpick 👍🏻👍🏻👍🏻