Next Station Dessert (已結業)

講到甜品，最鍾此嘅都算係心太軟，食到好味嘅真係會有幸福嘅感覺。目前食過嘅心太軟黎計，呢間嘅係最啱我地口味。撞啱呢排有promotion，所有心太軟都半價，咁抵食，怕肥都要一人食一個。心太軟(Bailey's)配曲奇雪糕: 呢個係我地嘅最愛。雖然某豬唔鍾意酒味，但呢個用dropper 唧啲酒入個心太軟嘅設計太好玩。加左酒嘅心太軟有少少似酒心朱古力，其實好夾嘅。心太軟切開好流心，朱古力味好濃郁。如果個心太軟可以大返啲更好。綠茶心太軟配紅桑子雪糕: 遇親綠茶味嘅嘢都抗拒唔到。綠茶味心太軟比朱古力嘅大，面頭仲有唔少紅豆，一切開啲流心洶湧而出。食到有綠茶嘅回甘，可惜比較甜，如果綠茶味濃啲會更好。估唔到配搭嘅紅桑子雪糕同綠茶味又幾夾喎，仲可以中和甜膩感。