影片
更多
2016-06-28
1114 瀏覽
星期六晚一個人,心裏面就好想食魚蛋粉,我一直沿著軒尼詩道往銅鑼灣方向行,又咁好彩俾我發現咗呢一間冇乜人光顧賣魚蛋粉嘅地舖! 其實依一間舖畀我第一個感覺唔係太好,因為星期六晚7點幾居然冇乜客! 但因為實在有啲肚餓同埋好想食魚蛋粉,所以我決定入去試一試!坐低之後睇一睇佢個餐牌發現佢大部分嘅粉麵都係大約29蚊至三十幾蚊, 價錢唔係太貴但亦都唔可以話係好平, 我一心想食魚蛋粉, 所以當我睇完個餐牌之後, 我都係叫咗魚蛋粉, 呢度既魚蛋粉係叫做”達濠魚丸粉”係佢哋間舖嘅招牌菜,至於點解叫做”達濠”我就冇問啦 !達濠魚丸粉出餐速度多幾快,三至五分鐘左右我碗魚蛋粉就已經出現喺我面前. 第一件事咁當然就係相機食先啦!之後我第一時間試就去試下啲湯,依間舖啲魚蛋粉嘅湯其實係偏淡嘅,但係我幾鍾意!因為唔係太鹹,有少少魚香! 之後我就食左一啖河粉,佢嘅河粉做得唔錯,唔會煮到好林, 而且都幾滑口! 魚丸同埋魚蛋條嘅味道就其實十分之相似,我老實講食唔出有乜特別大嘅分別,但係好有驚喜嘅就係, 佢嘅魚蛋真係好鬼彈牙,同埋都幾有魚味! 鍾意食彈牙魚蛋粉嘅話就一定要試下! 喺食到大約三分之一嘅時候,我就覺得個湯好似淡咗啲
星期六晚一個人,心裏面就好想食魚蛋粉,我一直沿著軒尼詩道往銅鑼灣方向行,又咁好彩俾我發現咗呢一間冇乜人光顧賣魚蛋粉嘅地舖! 其實依一間舖畀我第一個感覺唔係太好,因為星期六晚7點幾居然冇乜客! 但因為實在有啲肚餓同埋好想食魚蛋粉,所以我決定入去試一試!
坐低之後睇一睇佢個餐牌發現佢大部分嘅粉麵都係大約29蚊至三十幾蚊, 價錢唔係太貴但亦都唔可以話係好平, 我一心想食魚蛋粉, 所以當我睇完個餐牌之後, 我都係叫咗魚蛋粉, 呢度既魚蛋粉係叫做”達濠魚丸粉”係佢哋間舖嘅招牌菜,至於點解叫做”達濠”我就冇問啦 !達濠魚丸粉
達濠魚丸粉
$29
58 瀏覽
0 讚好
0 留言
達濠魚丸粉
$29
26 瀏覽
0 讚好
0 留言
潮汕地區嘅辣椒醬
19 瀏覽
0 讚好
0 留言
達濠魚丸粉+辣椒醬
20 瀏覽
0 讚好
0 留言
出餐速度多幾快,三至五分鐘左右我碗魚蛋粉就已經出現喺我面前. 第一件事咁當然就係相機食先啦!之後我第一時間試就去試下啲湯,依間舖啲魚蛋粉嘅湯其實係偏淡嘅,但係我幾鍾意!因為唔係太鹹,有少少魚香! 之後我就食左一啖河粉,佢嘅河粉做得唔錯,唔會煮到好林, 而且都幾滑口! 魚丸同埋魚蛋條嘅味道就其實十分之相似,我老實講食唔出有乜特別大嘅分別,但係好有驚喜嘅就係, 佢嘅魚蛋真係好鬼彈牙,同埋都幾有魚味! 鍾意食彈牙魚蛋粉嘅話就一定要試下! 喺食到大約三分之一嘅時候,我就覺得個湯好似淡咗啲咁我就落咗佢地啲辣椒醬,佢哋有兩款辣椒醬畀你揀, 一款係油浸辣椒油另一款係應該叫做潮汕地區嘅辣椒醬,我揀左第二款,辣味都幾適中,好適合食魚蛋粉用! 鍾意食辣既話記住揀依一隻辣椒醬!
後記,可能因為舖頭嘅地理位置問題,佢係位於灣仔同銅鑼灣嘅正中間,同埋兩個地方嘅地鐵站都有一定距離,所以人流唔多,但我想講呢間舖嘅魚蛋粉真係好有質素!有機會嘅話我一定會返嚟再幫襯! 依間舖唯一一個問題就係佢唔收八達通! 埋單時要俾或者要收散紙有啲唔方便!
張貼
