丼瀛 (已結業)

先前食完，想再回味，晚上訂枱，一入舖感覺有啲唔同，無咗老細把聲，又唔見鬼咁好傾嘅「侍應」（可能係事頭婆都唔定）招呼，再望菜單，都係日本嘢，但又好似唔係先前見過啲款式，再睇會價錢又好似向上調整咗，性價比大不如前，食物質素平平，揾返先前啲相比較就已經知道差咗啲，總係感覺想食正嘢但結果只係一般，亦由於係剛接手，可能都要啲時間去追趕先前有嘅質素，侍應暫時得一個，建議大家入去前先有心理準備，可能（疑似）真係賣咗盤嘞。