Zeng

營業中

休息中

重陽假期，想食個開心Lunch撐枱腳，行街買開心嘢！網上介紹呢間餐廳有靚景。當到達現場時，我哋自動自覺掃描安心出行，員工好似未瞓醒咁，唔識scan返我個QR code，感覺好奇怪！掛羊頭賣狗肉，上網睇環境好靚，到現場係有啲失望。露台無得坐，話出面唔知點解滴水，所以坐窗邊，一坐落張椅，好似就快爛咁，所以轉坐兩人梳化位，不過張深藍色梳化好多煙灰？抑或塵？我用手掃幾下先坐低，相信餐廳老闆開業前有用心裝修環境，可惜員工嘅求其、無心工作令餐廳降Grade。Menu得一張紙，係指定Lunch set，Lunch set可選兩款starter+一款main course，員工話我經OpenRice訂位有個湯送，今日係忌廉湯，都無乜大感覺，因為對忌廉湯無興趣。我先生負責點食物，金毛男員工好似發緊夢咁又語氣態度差，既然就點餐咁少事，大家溝通得咁唔開心，我怕食物會出事或再受罪。點完餐一分鐘後，我哋就起身走人，因為真係好差😔無下次🫵🏻其實你咁唔想做，不如你返屋企瞓覺啦。