風雲丸 (已結業)

係日本食過魚豚骨拉麵覺得好好味，見到呢間沾麵都係主打食魚介豚骨就過黎試下個麵可以揀冷熱冷就會有口感d 熱就有麥香味d麵有得比你揀要幾多，都幾貼心女仔可以揀300g就夠無論揀冷熱麵 個湯都係熱鍋上 熱辣辣 湯既質感好杰身比較推薦冷麵，真係比較有口感。叉燒好大舊，係腩肉黎，有成個手掌甘長，有宣傳貼紙介紹係慢煮叉燒，不過我覺得唔好食，肉太肥，肉質唔夠淋同埋會痴牙個人比較鐘意肩肉叉燒(一片片圓型嗰種) 整體黎講沾麵食第一啖覺得幾好味幾咸香，但食多兩啖就覺得味精好重好鹹，魚介粉冇鮮味，加埋檸檬汁都無補於事。係日本食過魚介豚骨既拉麵，個湯係濃厚得黎又食得出魚同豬骨既鮮香，亦唔會太鹹，可惜呢到做唔到嗰種感覺可能我抱既期望比較高，未試過都可以試下既，不過我就未必會返食啦。