八沢 (杏花新城) (已結業)

同同事今日放飯又係諗爆頭都唔知食咩好，最後同事推薦一齊去食呢一間日本料理餐廳。一入到去見到牆壁有黐住支裝日本梳打汽水嘅告示😱自從冇得去日本之後都好少有得飲呢類型嘅支裝日本汽水啦🍥🔥好懷念睇完一輪餐牌我最後叫咗一個日式叉燒滑蛋🍳🍚飯，朋友叫咗一個日式咖喱吉列豬扒飯🍱，我哋兩個作為大食怪梗係要嗌啲小食先得！咁我哋就叫咗個吉列炸蠔拼明太子雞翼作為我哋嘅餐前小食👅我個日式滑蛋叉燒飯，一嚟到就見到好多塊沾滿醬汁嘅日式叉燒鋪左喺滑蛋🍳上面，醬汁撈埋滑蛋一齊送飯不知不覺食晒成碗飯🍚個炸蠔炸得好好，火候控制得好好，唔會食到淡淡油🍱。朋友叫我下次一定要試佢個日式咖喱豬扒飯，佢話真係好推薦，吉列豬扒大大嚿，咖喱汁做得好香濃，🗣佢話唔小心會食晒成個飯。